News | Novaĵoj

Kongreso 2022!

La unua malvirtuala Skota Kongreso de Esperanto – la 117a entuta inkluzive la virtualajn – ekde la komenciĝo de la pandemio okazos en Dunfermline, la 27a ĝis la 29a de majo ĉi-jare. Printebla aliĝilo estas nun deĉerpebla. Reta aliĝilo baldaŭ aperos.

Ĉefpreleganto estos Agneau Belanyek; ni ekskursos al St Andrews kaj la “Sekreta Bunkro de Skotlando“; okazos postkongresa ekskurso perboata al la insulo Inchcolm en Estuaro de la rivero Forth.

Plenajn detalojn vi trovos en la Kongresa paĝo.

Edinburga Kunveno

Okazos kunveno de enedinburgaj Esperantistoj lundon la 29an de novembro je 19:00 en la trinkejo Guildford Arms, 1 West Register St, Edinburgo. Ĝi situas ne tre for de Stacidomo Waverley kaj Busa Stacidomo ĉe St Andrew’s Square.

Ĉiuj estos bonvenaj.

Ludoj kun MJS

Morgaŭ denove estas la lasta vendredo de la monato, do okazos reta renkontiĝo de MJS!

Ni ludos Dixit, kaj volonte aliajn ludojn! Nepre sciigu nin pri viaj voloj!

Nia renkontiĝo okazos en la Mojosejo (https://gather.town/app/ChRMeknAF7bTsFpj/Mojosejo) je la 1930a (Brita horo/UTC).

Ni esperas ke ni vidos vin ĉiujn, ludemulojn!

Bild-Ludoj kun MJS!

Morgaŭ estas la lasta vendredo de la monato, do okaziĝos denove reta renkontiĝo de MJS!

Ni ludos ludojn, kiuj rilatas al bildoj – ni ankoraŭ pripensis Garticphone kaj Dixit, se vi konas aliajn taŭgajn ludojn, nepre sciigu nin!

Nia renkontiĝo okazos en la Mojosejo (https://gather.town/app/ChRMeknAF7bTsFpj/Mojosejo) je la 1930a (Brita horo, 1830 UTC).

Ni esperas ke ni vidos vin ĉiujn, ludemulojn!

Ludu Homlupon kun MJS!

Partoprenu la renkontiĝon de MJS ĉivendrede, la 27-an de aŭgusto, je 19:30 Edinburga horo / 18:30 UTC, por ludi la plej popularan ludon de junularaj aranĝoj, Homlupon!

Ni uzos ĉambron speciale kreitan por tio en IJK: https://bit.ly/homlupo.

Se vi ne konas la ludon, ne timu, ni klarigos la regulojn en la komenco. Vi ankaŭ povas konatiĝi kun ili tie ĉi: https://web.archive.org/web/20161203073235/https://esperanto-jeunes.org/IMG/pdf/homlupa_ludo.pdf

Ni konsilas uzi la platformon komputile por plene ĝui la ludadon.

Ĝis baldaŭ!

Ludoj kun MJS

Ĉivendrede okazos la monata renkontiĝo de MJS. Por tio ni proponas al vi diversajn ludojn!

La ludojn ni elektos kune en la komenco de la renkontiĝo. Eblos ankaŭ ludi plurajn ludojn samtempe en nia gemuta virtuala trinkejo, ĉe malsamaj tabloj en gathertown. Do kiuj estas la ebloj?

-Kvizo pri konstruitaj lingvoj

-Du veroj kaj unu mensogo

-Divenu la regulon

-Verda ŝtelo

-Kontakto

-Homlupo

-Gazetara Konferenco

Aliaj proponoj bonvenas!

Ni revidos vin vendrede, la 25-an de junio, je 19.30 Edinburga tempo (18.30 UTC) en la Mojosejo: https://gather.town/app/ChRMeknAF7bTsFpj/Mojosejo.

Ĝis baldaŭ!

Luda renkontiĝo pri Eŭrovido

Eurovision Esperanto Logo

Partoprenu la renkontiĝon de MJS vendredon, la 28-an de majo, je 19.30.

La ĉimonata renkontiĝo estas dediĉita al la kantokonkurso Eŭrovido. Ĝi enhavos kvizojn pri versoj de gajnintaj kaj malgajnintaj kantoj, kaj ankaŭ pri modo tra la historio de la konkurso.

Fine, ni ludos Gazetaran Konferencon, en kiu ni ĉiuj iĝas steluloj kaj devas malkovri kiu ni estas per la demandoj de la ĵurnalistoj.

Ne nepras havi antaŭan konon pri Eŭrovido por partopreni la renkontiĝon. Venu amuziĝi, eklerni pri la konkurso aŭ spertiĝi pri ĝi.

Ni antaŭĝojas vidi vin en la Mojosejo, ĉe https://gather.town/app/ChRMeknAF7bTsFpj/Mojosejo.