117a Skota Kongreso de Esperanto, En Hotelo ‘City’, 18 -20 Bridge Street, Dunfermline,
je la 27a, 28a, 29a (kaj 30a) de majo 2022
Deĉerpu kaj elpresu aliĝilon
Reta aliĝilo troviĝas ĉe la fundo de tiu ĉi paĝo.
Kun abatejo de la 12a jarcento kaj la tombo de Robert the Bruce, la ĉefurbo de Skotlando de la mezo de la 11a jarcento ĝis 1437 estas taŭga urbo por nia kongreso. Ĉirkaŭata de la pejzaĝo de graflando Fife kun frapaj panoramoj super la rivero Forth, Dunfermline ankaŭ fieras pro sia proksimeco al la pitoreskaj marbordaj fiŝistaj vilaĝoj de la “East Neuk” de Fife. La urbo ankaŭ fieras pri la bandoj Nazareth kaj Skids, kiuj formiĝis en Dunfermline, la kantistoj/muzikistoj Ian Anderson, kaj Barbara Dikson, kaj la verkisto Ian Banks (konita kiel Ian M. Banks en rilato al siaj sciencfikciaj verkoj) ĉiuj naskitaj en Dunfermline.
La 117a skota kongreso de Esperanto okazos en tiu ĉi alloga loko inter la 27a kaj la 29a de majo 2022. La kongresejo estos la Hotelo City, 18-20 Bridge Street, KY12 8DA, apud la urbocentro.
Nia gastparolanto estos Agneau Belanyek
Ni ekskursos al St Andrews por lunĉo kaj posta vizito, laŭ deziro, al la “Sekreta Bunkro de Skotlando”. La prezo citita en la aliĝilo estas nur por transporto. Eniroprezo por la Bunkro estos £12.95 (£11.95 rabate). Oni mem pagos lunĉon en St Andrews.
Postkongresa ekskurso okazos lundon 30an de majo al South Queensferry por boata ekskurso al la insulo Inchcolm. Postkongresaj kostoj estos aldonaj.
La kongresa kotizo inkluzivos bufedojn dum la vedreda vespero kaj dimanĉa lunĉopaŭzo, ankaŭ teon aŭ kafon kun keksoj dum aliaj paŭzoj. Ĝi ne inkluzivas kostojn de ekskursoj, bankedo, kaj tranoktado.
La kongresejo mem ofertas ĉambrojn al kongresanoj kontraŭ konkurenca prezo fiksita je la dato de mendo. Telefonu al +44 1383 722538, petu paroli kun Laura kaj menciu la kongreson; vizitu https://www.thecityhotel.co.uk/ aŭ retmesaĝu al reservations@thecityhotel.com.
Loĝeblecoj
Estas multegaj loĝeblecoj en kaj ĉirkaŭ Dunfermline krom la kongresejo mem.
Hoteloj: vizitu retpaĝon :https:tinyurl.com/2p8r9bcx
Lito kaj matenmanĝo: vizitu la retpaĝon https://tinyurl.com/2p99kxhb
Airbnb: vizitu retpaĝon: https://tinyurl.com/32mvkd2u
Visit Scotland: https://tinyurl.com/2p8nfwrn
Kiel Alveni
Dunfermline estas alirebla rekte per trajno de Edinburgo kaj rekte per aŭtobuso de Edinburgo, kaj Glasgovo.
Se vi havas demandojn, ne hezitu kontakti Hju Rid ĉe hju_rid@yahoo.co.uk, ĉe 07766553906.
Provizora Programo
| Tago | Horo | Evento | Evento |
| Vendredo 27a de majo | 1700h-1800h | Akcepto kaj registriĝo | |
| 1800h-1830h | Bonvenon al Dunfermline | ||
| 1830h-1930h | Konatiĝa evento kun bufedo | ||
| 1935h-2025h | Kvizo, Agneau Belanyek | ||
| Sabato 28a de majo | 0900h-0955h | Prelego | |
| 1005h-1055h | Anekdotoj el Instruista vivo, Agneau Belanyek | ||
| 1100h-1145h | Kaf/Tepaŭzo | ||
| 1145-1200h | Ariĝo ĉe aŭtobuso | ||
| 1200h-1300h | Vojaĝo al St Andrews | ||
| 1300h-1700h | Lunĉo* kaj posta vizito La Sekreta Bunkro de Skotlando* | ||
| 1700h-1800h | Reveno al Dunfermline | ||
| 1900h | Bankedo en Hotelo City* | ||
| Dimanĉo 29a de majo | 1000h-1055h | Prelego | |
| 1055h-1125h | Kaf/Tepaŭzo | ||
| 1135h-1155h | Diservo | Alternativo | |
| 1155h-1255h | Lunĉo | ||
| 1300h-1400h | Jarkunveno | ||
| 1405h-1455h | Algoritmoj en Niaj Vivoj, Agneau Belenyek | ||
| 1455h-1525h | Kaf/Tepaŭzo | ||
| 1535h-1625h | Prelego | ||
| 1625h-1655h | Adiaŭoj | ||
| Lundo 30a de majo | Horo anoncota post publikigo de boata horaro en marto. | Vojaĝo trajne al South Queenferry*. Tipe daŭras 25 minutojn | Post Kongresa Ekskurso |
| Horo kaj duono aŭ tri horoj se oni deboatiĝos sur insulon Inchcolm. | Boata Eksurso al Insuloj de Rivero Forth kaj la Tri Pontoj* | ||
| 1300h-1400h (depende de publikota horaro). | Kuna lunĉo* adiaŭa de postkongesanoj |
*Kostoj de tiuj ĉi eroj estas aldonaj, kaj kongresanoj respondecu mem pri pagoj.
Reta Aliĝilo
Pageblecoj: Sendu ĉekon, pagendan al Scottish Esperanto Association, al la suba adreso:
Skota Kongreso de Esperanto, 17 Grange Park, Dunfermline, KY11 8QQ.
aŭ pagu per interreta bankumo uzante la sekvajn detalojn: Bank of Scotland plc; Sort Code 80-05-64; Account Number 00871939; BIC: BOFSCGB21375; IBAN: GB91 BOFS 8005 6400 8719 39.
Nepre citu 117aSKE kaj vian nomon