MoJoSa

La 28a estas la lasta vendredo de januaro, do estos MoJoSa tago.

Ni intencas festi Burns Nokton per kvizo, ludoj kaj libera babilumado!

Ni renkontiĝos en la MoJoSejo (https://gather.town/app/ChRMeknAF7bTsFpj/Mojosejo) je la 1930a (Brita horo/UTC).

Ni esperas ke ni vidos vin ĉiujn, festemulojn!

Glasgow Club / Glasgova Klubo

There will be an informal meeting of the Glasgow Esperanto Society at 7:30pm on Tuesday 8th February in the Bar of the Premier Inn, Charing Cross. All welcome.

Okazos malformala kunveno de la Glasgova Esperanto-Societo je 7:30ptm Mardon la 8an de februaro en la trinkejo de Premier Inn, Charing Cross. Ĉiuj bonvenaj.

Kongreso 2022!

La unua malvirtuala Skota Kongreso de Esperanto – la 117a entuta inkluzive la virtualajn – ekde la komenciĝo de la pandemio okazos en Dunfermline, la 27a ĝis la 29a de majo ĉi-jare. Printebla aliĝilo estas nun deĉerpebla. Reta aliĝilo baldaŭ aperos.

Ĉefpreleganto estos Agneau Belanyek; ni ekskursos al St Andrews kaj la “Sekreta Bunkro de Skotlando“; okazos postkongresa ekskurso perboata al la insulo Inchcolm en Estuaro de la rivero Forth.

Plenajn detalojn vi trovos en la Kongresa paĝo.

Edinburga Kunveno

Okazos kunveno de enedinburgaj Esperantistoj lundon la 29an de novembro je 19:00 en la trinkejo Guildford Arms, 1 West Register St, Edinburgo. Ĝi situas ne tre for de Stacidomo Waverley kaj Busa Stacidomo ĉe St Andrew’s Square.

Ĉiuj estos bonvenaj.

Ludoj kun MJS

Morgaŭ denove estas la lasta vendredo de la monato, do okazos reta renkontiĝo de MJS!

Ni ludos Dixit, kaj volonte aliajn ludojn! Nepre sciigu nin pri viaj voloj!

Nia renkontiĝo okazos en la Mojosejo (https://gather.town/app/ChRMeknAF7bTsFpj/Mojosejo) je la 1930a (Brita horo/UTC).

Ni esperas ke ni vidos vin ĉiujn, ludemulojn!

Bild-Ludoj kun MJS!

Morgaŭ estas la lasta vendredo de la monato, do okaziĝos denove reta renkontiĝo de MJS!

Ni ludos ludojn, kiuj rilatas al bildoj – ni ankoraŭ pripensis Garticphone kaj Dixit, se vi konas aliajn taŭgajn ludojn, nepre sciigu nin!

Nia renkontiĝo okazos en la Mojosejo (https://gather.town/app/ChRMeknAF7bTsFpj/Mojosejo) je la 1930a (Brita horo, 1830 UTC).

Ni esperas ke ni vidos vin ĉiujn, ludemulojn!

Ludu Homlupon kun MJS!

Partoprenu la renkontiĝon de MJS ĉivendrede, la 27-an de aŭgusto, je 19:30 Edinburga horo / 18:30 UTC, por ludi la plej popularan ludon de junularaj aranĝoj, Homlupon!

Ni uzos ĉambron speciale kreitan por tio en IJK: https://bit.ly/homlupo.

Se vi ne konas la ludon, ne timu, ni klarigos la regulojn en la komenco. Vi ankaŭ povas konatiĝi kun ili tie ĉi: https://web.archive.org/web/20161203073235/https://esperanto-jeunes.org/IMG/pdf/homlupa_ludo.pdf

Ni konsilas uzi la platformon komputile por plene ĝui la ludadon.

Ĝis baldaŭ!

Ludoj kun MJS

Ĉivendrede okazos la monata renkontiĝo de MJS. Por tio ni proponas al vi diversajn ludojn!

La ludojn ni elektos kune en la komenco de la renkontiĝo. Eblos ankaŭ ludi plurajn ludojn samtempe en nia gemuta virtuala trinkejo, ĉe malsamaj tabloj en gathertown. Do kiuj estas la ebloj?

-Kvizo pri konstruitaj lingvoj

-Du veroj kaj unu mensogo

-Divenu la regulon

-Verda ŝtelo

-Kontakto

-Homlupo

-Gazetara Konferenco

Aliaj proponoj bonvenas!

Ni revidos vin vendrede, la 25-an de junio, je 19.30 Edinburga tempo (18.30 UTC) en la Mojosejo: https://gather.town/app/ChRMeknAF7bTsFpj/Mojosejo.

Ĝis baldaŭ!