Congress / Kongreso

113a Skota Kongreso de Esperanto

 

Hotelo Royal George, PERTH

de la 15a ĝis la 17a (kaj 18a) de junio 2018

 

Provizora Programo: vidu retedeĉerpu 

Deĉerpu elprinteblan aliĝilon aŭ aliĝu rete 

RoyalGeorgeFronto1 

Renesancaj ŝtonaj domoj kaj deknaŭjarcenta katedralo apud rivero nur mejlojn for de la montara rando rajtigas al Perth la nomojn ‘Bela Urbo’ (The Fair City laŭ Walter Scott) kaj ‘Pordego al la Montaro’.
La 113a skota kongreso de Esperanto okazos en tiu ĉi alloga loko inter la 15a kaj la 17a de junio 2018. La kongresejo estos la hotelo Royal George, Tay Street, komforta kaj beletosa, apud la urbocentro kun ĉambroj malfronte rigardantaj super la rivero Tay.

RoyalGeorgeMalfronto1

 

Nia gastparolanto estos Nina Pietuchowska el Bjalistoko.

 

Ni ekskursos, sabatan posttagmezon, al Lagodoma Centrejo, kie ni mem spertos fruan ferepokan vivon en la lagodomo per la tiamaj metioj: lignotornado, ŝtonborado, lanŝpinado, grenmuelado, kaj fajrofarado per lignofroto!

crannog-centre

Postkongresa ekskurso okazos lundon 18an de junio al ‘Discovery Centre’ en Dundee, alironte per vagonaro. 'Discovery Centre' estas muzeo konstruita ĉirkaŭ la esplorŝipo 'Discovery' kiu portis al Antarktiko Scot kaj Shackleton.
Postkongresaj kostoj estos aldonaj.

 

RRS Discovery-Dundee


RRS Discovery kun Muzeo en fono.

(foto de David Ball - www.davidball.net)


La kongresa kotizo inkluzivos bufedon dum la vedreda vespero, kaj teon aŭ kafon kun skota buterbiskvito dum aliaj paŭzoj. Ĝi ne inkluzivas kostojn de ekskursoj, bankedo, tranoktado kaj aliaj manĝoj.


Tranoktado mendeblas en multaj hoteloj kaj en B & B loĝejoj en Perth. Vizitu la jenan retpaĝon kaj plenigu la serĉeblecojn: https://www.visitscotland.com/accommodation aŭ telefonu al la turista informejo en Perth je +44 (0) 1738 450614. La kongresejo mem ofertas ĉambrojn al kongresanoj je rabato de 10% (tel: +44 (0) 1738 624455 aŭ rete ĉe This email address is being protected from spambots. You need JavaScript enabled to view it. ) SED mendu
  kiel eble plej frue, ĉar la hotelo estas tre populara kaj ĉiam trovas ke siaj dormoĉambroj estas menditaj en ĉiu semajnfino.


Perth estas facile alirebla vagonare, aŭtobuse kaj aŭtomobile de ĉie en Britinsulo.


Deĉerpu elprinteblan aliĝilonaliĝu rete.

Se vi havas demandojn, ne hezitu kontakti: Hju Rid ĉe This email address is being protected from spambots. You need JavaScript enabled to view it. , ĉe +44 (0) 1357 523949 aŭ  +44(0)7766553906.